▶ Social Media : شريف غزالة و مصطفي المصري

▶ Track : اللي يقابل التاني يبقي حلال علي التاني

▶ Singing : احمد موزه السلطان

▶ Lyrics : مصطفي الجن

▶ Music Distribution : امجد الجوكر

▶ Org : احمد قطري

▶ Team Manager : عمرو سماكه

( 01102497771 - 01115333882 )

▶ Graphic Designer - Montaj : عبد الله باندا و احمد حاتم

▶ Media Thank's : ناجي

للاستماع علي جميع المنصات : https://bit.ly/3P0c5Ft

................
العين على قد مهى شافت
مكلتش من حد ولا خافت
الدنيا لو بذياده اتعافت
برضو الدراع سداد ..
القلب ميت وضاربو عيار
مرجعش لو كان قصادى تتار
دا بيد رب الكون الأعمار
و الموته ليها معاد ..
................
اللى يقابل التانى
يبقا حلال ع التانى
حذرتكم عدانى
وانتو اللى ماسمعتوش ..
لما انتو مش هتسدو
ايه خلاكم تتحطو
على أرضى يوم ما تخطو
هضربكو بالخرطوش ..
..................
الدنيا مش زى ما اتربيت
الشارع يابويا غير البيت
ليه بس مشيتنى جمب الحيط
دا الخلق داسو عليا ..
زمنك مايشبهش لزمانى
يابا دانتا كنت فى عالم تانى
دا الظلم حولنى خلانى
مبقتش اشوف حواليا ..
...................
على قدى كنت بعيش
راضى برغيف العيش
فى زى عادى مفيش
مكنتش فارقه معايا ..
بس ولاد المؤذيه
استكتروها عليا
جضيت من المرازيه
قتلو الضمير جوايا ..
...................
قدامى مش لاقى سكة حلال
مسدوده ويمينى مش شغال
انا ماشى فى طريق شمال فى شمال
معرفش تايه ليه ..
انا فيلم اسمو الجدع محطوط
و نهايتو كلابوش يا أما الموت
فتحت عينى فى عالم جبروت
عايزننى اطلع ايه ..
...................
الله يسامحها الدنيا
حدفتنى على ناس تانيه
لو عشت بينهم ثانيه
طيب اكيد هتداس ..
شرير بقلب ملاك
للخوف عملت بلاك
شفت بعنيا هلاك
خصمت كل الناس ..
...................
ضيعت من عمرى احلى سنين
على صوحبة مالهاش أمان خاينين
انا كنت فاكر أنهم سالكين
زى ما سالك معاهم ..
غلطان مكنتش واخد بالى
اتارينى غلبان ومش دارى
فى قلوبهم الغدر متدارى
خلصت خلاص وياهم ..
................
وحشتنى نفسى شويه
مهى ليها حق عليا
دمرتولى النفسيه
من غيركم انا مبسوط ..
مبقتش حمل جراح
جضيت ونفسى وارتاح
ما كفايه بقا اللى راح
دانا م الزعل مكبوت ..
...................
يامايا ضمينى محتاجلك
انتى الى فى الحزن بلجألك
والله نفسى اترمى فى حضنك
واصرخ وأبكى فى دموع ..
جوايا احزان و بحر هموم
مبقتش بعنيا اشوف النوم
بالعافيه أصبح بيمشى اليوم
من جوا انا موجوع ..
...................
ادعيلى يصلح حالى
ويعننى ع إلى جرالى
كل البشر بصالى
فى رزقى مش حلانى ..
كارهينلى حتى الخير
ومفيش اصول وضمير
دا فى سيرتى عاملين شير
العين لوره جايبانى ..
...................